by Kyaw Gyi AB on Thursday, March 1, 2012 at 1:49pm ·
၁၉၉၀ သြဂုတ်လကုန်ပိုင်း
ကျနော်တို့ ကျောင်းသားတပ်မတော် (မြောက်ပိုင်း) ABSDF-NB အခြေစိုက်ထားတဲ့ လိုင်စင်စခန်း၊ မိုးနှင်းတွေက အဆက် မပြတ်ကျလို့ ရာသီဥတုက အေးစိမ့်လို့နေတယ်။ တနှစ်မှာ ၂၄ နာရီပတ်လုံး မီးလင်ဖို ဖိုပြီး နေရတဲ့နေရာ။ ကျနော်က ဒီ နယ်မြေရောက်ခါစ၊ အအေးဒဏ်ကို ကြိတ်မှိတ်ခံနေရတဲ့ ကာလပေါ့။ မနက် ၁၁ နာရီကျော်လောက်ထိ မထသေးဘဲ အိပ် ယာထဲမှာ ကွေးနေတုန်း။
“သံချောင်း ငါ့ကို ရိုက်တယ်၊ သံချောင်း ငါ့ကိုရိုက်တယ်” ဆိုပြီး ကျနော်နေတဲ့ ဘားတိုက်အပေါ်ဘက်က ရဲဘော်တ ယောက် ဆင်းလာသံကြားလိုက်တယ်။ ထရံကြားကအသာကြည့်လိုက်တော့ ဇော်လွင်ကြီး၊ တပ်စိပ်မှူး မိုင်းဆရာ ဇော် လွင်ကြီး၊ ကျနော် သူ့အစား အတော်ခေါင်းကြိမ်းသွားတယ်။ အဲဒီအချိန်က ကျောင်းသားတပ်မတော်မြောက်ပိုင်း ဒုဥက္ကဋ္ဌ နဲ့ စစ်ရေးတာဝန်ခံ ကိုသံချောင်းက လက်သံအတော်ပြောင်တယ် ကြားဖူးတာကိုး။ တိုက်ပွဲတခုမှာ M79 ကျည်မှန်ပြီး မျက် လုံးတဖက်ကန်းနေတယ်။ လူကတော့ လူပုံချောပါ။
ဇော်လွင်ကြီးကတော့ ABSDF-NB တပ်ရင်း (၇၀၁) ရဲ့ အားကိုရတဲ့ မိုင်းဆရာတယောက်၊ အရပ်ရှည်ရှည် ကိုယ်လုံးပြည့် ပြည့်နဲ့ ကျန်းမာသန်စွမ်းသူ G3 သေနတ်နှစ်လက်ကို ပြောင်းထိပ်ကကိုင်း၊ သေနတ်နှစ်လက်ရဲ့ ပြောင်းထိပ်ချင်းတေ့ထား ပြီး ရင်ဘောင်တန်း မြေပြင်နဲ့အပြိုင် ရင်ဘက်ရှေ့မှာ လက်နှစ်ဖက်တန်းပြီး ပင့်ထားနိုင်သူ။ အစားကြမ်းကြမ်း အသောက် ကြမ်းကြမ်း။ ခုပဲ မနက် ၁၁ နာရီလောက်မှာ သူမူးနေပြီ။ အရက်သောက်တာကလဲ ကချင်ပြည်နယ်ရဲ့ ရိုးရာဓလေ့လို ဖြစ် နေတာကိုး။ ဒီတော့လည်း မိဝေး ဖဝေး ဆုံးမမယ့်လူဝေ နေတဲ့သူတွေအဖို့ သောက်ဖြစ်နေတာပေါ့။
ကျနော်တို့ မရောက်ခင်ကဘဲ ကျောင်သားတပ်မတော် (ကချင်ဒေသ) ကို ကျောင်းသားတပ်မတော် မြောက်ပိုင်းအဖြစ် တိုးချဲ့ဖွဲ့စည်းပြီးတဲ့ ကာလပေါ့။ ၇၀၁၊ ၇၀၂ နဲ့ ၄၀၁ ဆိုပြီး တပ်ရင်း ၃ ရင်း ပါဝင်တယ်။ ၄၀၁ တပ်ရင်းက ရှမ်းပြည်မြောက် ပိုင်း KIA တပ်မဟာ ၄ နယ်မြေထဲမှာ အခြေပြုတာ။ ကျနော်တို့ မြောက်ပိုင်းတက်လာတော့ သူတို့ အဖွဲ့နဲ့ ရှမ်းပြည်မြောက် ပိုင်း ဟိုခို ဂွင်ထဲမှာ ဆုံခဲ့သေးတယ်။ ကျနော်တို့ NB ဌာနချုပ်ရောက်တော့ ၄၀၁ တပ်ရင်းက ကိုယ်စားလှယ်ခေါင်းဆောင် တချို့ သူတို့ဒေသ ပြန်ဆင်းဖို့ လုပ်နေပြီ။ ရဲမေ (ခင်ရွှေလှိုင် လက်ရှိ ဥက္ကဋ္ဌ ရဲဘော်သံခဲ ဇနီး) တယောက်နဲ့ ရဲဘော်လေး ငါးယောက်က NB ဌာနချုပ်မှာ ကျန်ခဲ့တယ်။
၁၉၉၀ စက်တင်ဘာလဆန်းပိုင်းမှာတော့ မိုးညှင်း၊ မိုးကောင်းနဲ့ မြစ်ကြီးနားမြို့နယ်ဘက်တွေကို ဒေသထိုးဖောက်ရေးအ တွက် ရှေ့တန်းဆင်လှုပ်ရှားကြဖို့ ကျနော်တို့ ဆင်းသွားကြတယ်။ အဲဒီအခေါက်က ကျနော်တို့ ကျောင်းသားတပ်မတော် ရဲဘော်သက်သက်ပဲ ဘယ်မဟာမိတ်မှ မပါဘူး။ အင်အား ၁၀၀ နီးနီးနဲ့ ဦးဆောင်သူကတော့ အဲဒီအချိန်က တွဲဘက် အတွင်းရေးမှူး (၂) ဒု စစ်ရေးတာဝန်ခံ ကိုမျိုးဝင်း ပေါ့။ (ရဲဘော်တချို့က သူ့ကို မှုံကြီးလို့ နောက်ကွယ်မှာ ခေါ်ကြတယ်။ မျက်နှာပေါက်ဆိုးလို့ ထင်တယ်။)
ဒါနဲ့ပဲ ကျနော်တို့ ကောက်ကွေ့ဂွင်လို့ခေါ်တဲ့ ကောက်ကွေ့ချောင်း ဖြတ်ဆီးသွားတဲ့ဒေသကို ဖြတ်ပြီး KIA ဗျူဟာ ၄ ဌာန ချုပ်၊ ဗျူဟာမှူး ဗိုလ်မှူး ဇော်တူး အခြေချနေတဲ့ KIA တပ်ရင်း ၅ ရဲ့ ဟိုပင်ပို့စ် ကို ရောက်သွားတယ်။ အဲဒီစခန်းမှာပဲ။ တာ ဝန်ခွဲကြတော့ အဲဒီအချိန်က ABSDF (NB) ရဲ့ ဘဏ္ဍာရေးမှူး ကိုအောင်ကြီး (မိုးကောင်း)၊ ရန်ကုန်ဒေသ တာဝန်ခံ ဗဟို ကော်မတီဝင် ကိုရဲလင်း (ရန်ကုန်)၊ ကျနော်နဲ့ တပ်စုတစုက မိုးကောင်း၊ မြစ်ကြီးနားမြို့နယ်တွေမှာ လှုပ်ရှားဖို့ ဖြစ်ပါတယ်။ အောက်တိုဘာလကုန်လောက်မှာ ကိုအောင်ကြီး၊ ကျနော်တို့အဖွဲ့ဟာ အဲဒီအချိန်က KIA တပ်ရင်း ၁၁ တပ်ရင်းမှူး ဗိုလ်မှူး လဆန်အောင်ဝါ ဦးဆောင် စစ်ကြောင်းနဲ့ မန္တလေး မြစ်ကြီးနားရထားလမ်းရဲ့ အနောက်ဖတ်ခြမ်းကို ကူးပြီး တချိန် က လီဒိုလမ်းလို့ ထင်ရှားတဲ့ ကားလမ်းဟောင်းတဝိုက်နဲ့ သံလမ်းရိုးတလျောက်လှုပ်ရှားတယ်။ NB တပ်အများစုကတော့ အဲဒီအချိန်က ဗဟိုကော်မတီဝင် မိုးညှင်းခရိုင်မှူး ကိုစိန်အေးနဲ့ ၇၀၁ တပ်ရင်းမှူး ကိုအောင်သန်း ဦးဆောင်ပြီး သံလမ်း အရှေ့ခြမ်း မိုးညှင်း၊ ဟိုပင်၊ မိုးကောင်းမြို့နယ်ဘက်မှာ လှုပ်ရှားဖို့ကျန်နေခဲ့ပါတယ်။
အဲဒီနှစ် ပွင့်လင်းရာသီရောက်တော့ ရန်သူစစ်အစိုးရတပ်တွေက ဒီဒေသတွေကို အလုံးအရင်းနဲ့ ထိုးစစ်ဆင်ပါတယ်။ ကျနော်တို့ လှုပ်ရှားရာ ရထားလမ်း အနောက်ဘက်ခြမ်းကို တပ်ရင်းတရင်း တခါတလေ နှစ်ရင်းနဲ့ နယ်မြေရှင်းလင်းရေး သဘောမျိုး လှုပ်ရှားစစ်ဆင်းပြီး ဇော်လွင်ကြီးတို့ လှုပ်ရှားရတဲ့ ရထားလမ်းအရှေ့ဘက်ခြမ်းနဲ့ ကောက်ကွေ့ဂွင်ကိုတော့ တပ်မ ၉၉ တခုလုံးနဲ့ ထိုးစစ်ဆင်ပါတယ်။ ရန်သူက ယပ်တောင်ပုံ အရပ် ၈ မျက်နှာ နယ်မြေရှင်းလင်းရေးလုပ်တယ်။ ချောင်းငယ် ချောင်းဖျား ရေရနိုင်တဲ့နေရာတွေ အဓိကပစ်မှတ်ထား ရှင်းလင်းပါတယ်။ ရေမရှိရင် အသက်မရှင်နိုင်ကြဘူး မဟုတ်လား။
အဲဒီကာလမှာ ကျနော်တို့ ရဲဘော်တွေ အကျအဆုံးများပါတယ်။ ဒီရန်သူ ထိုးစစ်ကာလမှာ တချို့က ပြည်တွင်းပြန်ဝင် ပုန်း အောင်းနေကြ၊ တချို့က သံလွင်မြစ်အနောက်ဘက်ကမ်းကူးပြီး ရွာတွေမှ ခိုအောင်းနေရ၊ တချို့ကို ဖားကန့်နယ်မြေထဲထိ ထွက်ပြေးသွားပြီးမှ ကိုယ့်လမ်းကြောင်းနဲ့ ကိုယ့်တော်လှန်ရေးနယ်မြေထဲ ပြန်လာရပါတယ်။ (ဒီနေရာမှာ ထင်ကောင်းထင် နိုင်တယ်။ တော်လှန်ရေးသဘောတရားနဲ့ ယှဉ်ပြီးတော့ပေါ့ ဒီနယ်မြေကလူထုကို မစည်းရုံးထားနိုင်လို့ စည်းရုံးရေးကျ ဆင်းလို့ ချေမှုန်းခံရတာလို့၊ ဒါပေမယ့် မဆိုင်ပါဘူး။ အဲဒီအချိန်မှာ ABSDF –NB စည်းရုံးရေးကျဆင်းနေတဲ့ အချိန်မဟုတ် သေးပါဘူး။ ဒီနယ်မြေမှာ လူထုလဲ တော်လှန်ရေးတပ်တွေနဲ့အတူ ထွက်ပြေးနေရတာ။ ကောက်ကွေ့ဂွင်လို့ခေါ်တဲ့ ဒေသ ရဲ့ ထူးခြားချက်ပါ။ လူဦးရေကျဲပါးတယ်။ တောနက်တယ်။ ကျားတို့ ဝက်ဝံတို့ တချို့ တောဆင်ရိုင်းတွေရှိတဲ့ ဒေသပါ။
ကျနော်ပြောတဲ့ ဇော်လွင်ကြီးလဲ ဒီရန်သူထိုးစစ်ကာလမှာပဲ ကျဆုံးခဲ့ပါတယ်။ (ဇော်လွင်ကြီး လို့ ခေါ်ရတာက NB မှ ဇော် လွင် နှစ်ယောက်ရှိပါတယ်။ နှစ်ယောက်လုံးက သူရဲကောင်းပီသစွာပဲ ကျဆုံးခဲ့ရတာ ထူးခြားချက်တခုပါ။) သူကျဆုံးခဲ့တဲ့ နေရာကတော့ ဟိုပင်မြို့နယ် မြေနုပိုစ့် (မြေနုစခန်း) မှာပါ။ ကျနော်ပြောခဲ့တဲ့အတိုင်း ကျနော်တို့ လှုပ်ရှားဂွင်နဲ့ ဇော်လွင် ကြီးတို့ လှုပ်ရှားဂွင်က သပ်သပ်စီပါ။ မန္တလေး၊ မြစ်ကြီးနား ကားလမ်း၊ ရထားလမ်း ခြားပါတယ်။ ကျနော်က သူနဲ့အတူ လှုပ်ရှားခဲ့တဲ့ ရဲဘော်တွေရဲ့ ပြောပြချက်အရ သိရှိခဲ့ရတာပါ။ ပြီးတော့ အဲဒီအချိန် စစ်ကြောင်းတွေမှာ ပါလာခဲ့တဲ့ မိုးညှင်း မြို့သား ဝန်ထမ်း (ပေါ်တာ) တွေရဲ့ နောင်တချိန် ပြန်လည်ပြောပြချက်တွေအရ သိရှိခဲ့ရတာပါ။
တိုက်ရင်းခိုက်ရင်း ပြေးလွှားကြရင်းနဲ့ပဲ ဇော်လွင်ကြီးကို ရန်သူက အရှင်ဖမ်းမိသွားပါတယ်။ သူတို့ရဲ့ နောက်တန်း၊ အထိုင် စခန်းကို ခေါ်သွားပြီး ထုံစံအတိုင်း စစ်ဆေး မေးမြန်းပါတော့တယ်။ အဲဒီအချိန်မှာ သူ့ကို ဖမ်းခေါ်သွားပြီး စစ်ဆေးမေးမြန်း တဲ့ နဝတ (အဲဒီအချိန်က နဝတ ပါ) ဗိုလ်ကို ဇော်လွင်ကြီး ပြန်ပြောခဲ့တဲ့ စကားက ကလေးလဲဆန်တယ်၊ ထူးလဲထူးခြားပါ တယ်။ နိုင်ငံရေးစကား နိုင်ငံရေးသဘောတရား ထူးထူးခြားခြားတွေ မပါပေမဲ့လည်း ထူးခြားပါတယ်။ ကလေးတယောက် စကားနိုင်လုပြောနေသလို ပါပဲ။
“သတ်လိုက်ပါ၊ ခင်ဗျားတို့ ကျုပ်ကို သတ်လိုက်ပါ၊ ခင်ဗျားတို့ ဇော်လွင်ဆိုတဲ့ ကျုပ်တယောက်ကိုပဲ သတ်နိုင်မှာပါ။ ဒါပေ မယ့် ဗမာပြည်မှာက ကျောင်းသားတွေအများကြီး သိတဲ့အတိုင်းပဲလေ၊ အိမ်တိုင်းမှာ ကျောင်းသားရှိတယ်။ ဒါပေမယ့် အိမ်တိုင်းမှာ စစ်သားမရှိဘူး အဲဒီတော့ သမိုင်းကြောင်းအရ ခင်ဗျားတို့က ရှုံးနေပြီးသားပဲ” တဲ့။ အဲဒီလို စကားနိုင်လုသလို ပြောခဲ့ပေမယ့် နဝတ စစ်ဗိုလ်လဲ ဘာပြောရမှန်း မသိဘူးဖြစ်သွားခဲ့ရတယ်တဲ့။ နောက်ဆုံးတော့ အဲဒီ နဝတ စစ်ကြောင်း အခြေချစခန်းကနေ ဇော်လွင်ကြီးကို လှုပ်ရှားနယ်မြေထဲကို ပြန်ခေါ်လာပြီး ကျနော်တို့ တပ်ဖွဲ့တွေ ခိုအောင်းတဲ့ နေရာတွေ ကို လိုက်ပြခိုင်းပါတယ်။ သိတဲ့အတိုင်း ကျနော်တို့ရဲ့ အင်အားတွေက လိုအပ်တဲ့အချိန်တိုင်း နေရာတိုင်း အပြည့်ကင်းမ စောင့်နိုင်တော့ မိုင်းကိုပဲ ကင်းစောင့်ခိုင်းရပါတယ်။ သိတဲ့အတိုင်း ဇော်လွင်ကြီးက မိုင်းဆရာဆိုတော့ မိုင်းရှိတဲ့ နေရာအ မှတ်အသားတွေကို သူကိုယ်တိုင်လဲ ထောင်ထားခဲ့မိုင်းတွေဆိုတော့ ရင်နှီးကျွမ်းဝင်ရှိနေတယ် မဟုတ်ပါလား။
ဒီလိုနဲ့ ဇော်လွင်ကြီးကို ခေါ်ဆောင်လာတဲ့ ရန်သူစစ်ကြောင်းဟာ ကျနော်တို့ ရဲဘော်တပ်ဖွဲ့တဖွဲ့ ခိုအောင်းနေတဲ့ စခန်းပုန်း တခုနားကို ချဉ်းကပ်မိပါတယ်။ အဲဒီ စခန်းပုန်းဟာ ဇော်လွင်ကြီး နေခဲ့ဖူးတဲ့ နေရာဆိုတော့ သူကိုယ်တိုင်ထောင်ထားတဲ့ မိုင်းတွေနားကို သူကိုယ်တိုင်ချဉ်းကပ်မိတာပါပဲ။ မိုင်း (တိုက်မိုင်း) ရှိတဲ နေရာကိုလဲ သူ သိပါတယ်။ အဲဒီအချိန်မှာပဲ ဇော် လွင်ကြီးက ဆုံးဖြတ်ချက်တခုကို ခိုင်ခိုင်မာမာ ချလိုက်ပုံပါပဲ။ သူထောင်ထားတဲ့ တိုက်မိုင်းကြိုးကို သူကိုယ်တိုင် ဝင်တိုက် ပြီး ပေါက်ကွဲစေခဲ့ပါတယ်။ မိုင်းကွဲသံနဲ့ ကိုယ့်ရဲဘော်တွေကို အချက်ပေးပြီး ရန်သူအနားရောက်နေပြီဖြစ်ကြောင်း သိစေခဲ့ ပါတယ်။ အဲဒီမိုင်းကွဲသံကြောင့် ကျနော်တို့ တပ်ဖွဲ့တဖွဲ့ဟာ ရန်သူရဲ့ အလစ်အငိုက်ချေမှုန်းခံရမယ့်ဘေးက လွတ်မြောက် ခဲ့ရပါတယ်။ ဒါပေမယ့် ဇော်လွင်ကြီးရဲ့ အသက်ဝိဉာဉ်ကိုတော့ သူကိုယ်တိုင်ထောင်ခဲ့ပြီး သူကိုယ်တိုင် ဆွဲဖြုတ်ခဲ့တဲ့ မိုင်း က နှုတ်ယူသွားခဲ့ပါပြီ။
အဲဒီစစ်ကြောင်းက နဝတ ဗိုလ်ကတော့ တက်တခေါက်ခေါက်၊ စုပ်တသပ်သပ်နဲ့ပါတဲ့။ ကျနော်တို့ လက်မတင်လေး လွတ် မြောက်သွားတဲ့အတွက် တက်တခေါက်ခေါက်နဲ့၊ ဇော်လွင်ကြီး အတွက်တော့ စုပ်တသပ်သပ်နဲ့ပါတဲ့။ ဒီလို သစ္စာရှိ သတ္တိ ရှိတဲ့ ရဲဘော်မျိုး ငါ့တပ်ထဲမှ လိုချင်လိုက်တာလို့ ဆိုပါသတဲ့။ ဒီအကြောင်းတွေကို အဲဒီအချိန်က အဲဒီ စစ်ကြောင်းမှာပါ လာတဲ့ ဟိုပင်၊ မိုးညှင်း တဝိုက်က ပေါ်တာ (အထမ်းသမား) တွေ အချိန်အတော်ကြာပြီးမှာ ကျနော်တို့ ရဲဘော်တွေနဲ့ ပြန် တွေ့တဲ့အခါ ပြောပြလို့ သိခဲ့ရပါတယ်။
ကိုယ်တိုင် အဲဒီလောက် သတ္တိမှရှိတာကိုတော့ ဝန်ခံပါတယ်၊ ဒါပေမယ့် သစ္စာရှိသူ သတ္တိရှိသူ စွန့်လွှတ်အနစ်နာခံသူတွေ ကိုတော့ လေးစားတတ်ပါတယ်။ ကျနော်တို့အများစုဟာ နာမည်ကြီး နာမည်ရှိသူတွေရဲ့ ဂုဏ်သိက္ခာတွေကိုပဲ ဂုဏ်ပြုချီး ကျူးလေ့ ရှိကြပြီး မထင်မရှား ကျဆုံးခဲ့တဲ့ သူတွေကိုတော့ မျက်စေ့လျှမ်းလေ့ရှိကြပါတယ်။ ကျနော့်အနေနဲ့တော့ ဒေါ် အောင်ဆန်းစုကြည် ရဲ့ အညတြသူရဲကောင်းဆိုတဲ့ ဖွင့်ဆိုချက်ကို ကြားခဲ့ရတာရယ်။ နောက်ပြီး ဆောင်းပါးရှင် ရဲဘော် ကျော်သန်း ရဲ့ ဒီမိုကရေစီတော်လှန်ရေး ဘာကြောင့်၊ ဘယ်သူတွေကြောင့် တည်ရှိနေ၊ ရှင်သန်နေရသလဲဆိုတဲ့ ဖွင့်ဆို ချက်တွေကို ဖတ်ရတာရယ် နောက်ပြီး တတိယနိုင်ငံကိုရောက်လာတော့ တချို့မိတ်ဆွေ ရဲဘော်ဟောင်းတွေက ကျနော် တို့ ရှိနေတုန်းက ABSDF က အများကြီးလုပ်နိုင်တယ်။ အခုဘာများလုပ်နိုင်လို့လဲဆိုပြီး မေခွန်းထုတ်ချက်တွေ ကြားလာခဲ့ ရတာတွေရယ်။ အဲဒီတော့ ကျနော်တို့ ရဲမေတယောက် ပြောခဲ့တဲ့ “ကျောင်းသားတွေက သမိုင်းရှိတယ် ပထဝီတော့ မရှိ ဘူး” စကားကိုပဲ ကိုးကားပြီး ပြန်ပြောနိုင်ပါတယ်။ ဒါတွေကြောင့်ပဲ ကျနော်လေးစား အမှတ်ရတဲ့ မထင်မရှားကျဆုံးသွားရ တဲ့ ရဲဘော်တချို့အကြောင်းကို အခြားလူများ သိစေလိုစိတ် ဖြစ်ခဲ့ပါတယ်။ ဒါကြောင်ပဲ သူတို့အကြောင်းကို ရေးဖြစ်ခဲ့တာ ပါ။
စစ်ငြိမ်း
ဓဇဂ္ဂ = တံခွန်ဖျား၊ အလံဖျား ၊ (ပါဠိ-မြန်မာ အဘိဓာန် ဦးဟုတ်စိန်)
ဆောင်းပါး ခေါင်းစဉ်က ဘာကို ဆိုလိုသလဲ မသိပါ၊ မြန်မာအဘိဓာန်(၁၉၉၁ ပုံနှိပ်)ထဲမှာ အဲဒီစာလုံးရှာမတွေ့ မိပါ၊ စာဖတ်သူအများစုနားလည်နိုင်တဲ့ စကာလုံး ရွေးချယ်ပါလား၊ ငါ့စကား နွားရ ဖြစ်မှာစိုးမိပါတယ်၊
တပ်စိပ်မှူး မိုင်းဆရာ ဇော်လွင်ကြီးရဲ့ အကြောင်းကိုဖတ်ရတာ
ငယ်ငယ်ကကျောင်းစာတွေထဲမှာ
သင်ရတဲ့ ၊ဖက်ဆစ်တော်လှန်ရေး
သမားလေးမောင်ခွေး၇ယ်၊ ဖိုးမောင်ပြန်လာပြီကဗျာရယ်ကို
သွားပြီးသတိရမိတယ်၊ အလေးပြုပါတယ်ရဲဘော်၊ ဂုဏ်ယူပါတယ်ရဲဘော်၊ ရဲဘော်တို့ လို
ဖြူစင်ရိုးသားပြီး၊ သတ္တိပြောင်မြောက်စွာတိုင်းပြည်အတွက်
အသက်ပေးသွားတဲ့ 
အညတရရဲဘော်အပါင်းကိုဦးညွှတ်အလေးပြုပါတယ်၊
“သတ်လိုက်ပါ၊ ခင်ဗျားတို့ ကျုပ်ကို သတ်လိုက်ပါ၊ ခင်ဗျားတို့ ဇော်လွင်ဆိုတဲ့ ကျုပ်တယောက်ကိုပဲ သတ်နိုင်မှာပါ။ ဒါပေ မယ့် ဗမာပြည်မှာက ကျောင်းသားတွေအများကြီး သိတဲ့အတိုင်းပဲလေ၊ အိမ်တိုင်းမှာ ကျောင်းသားရှိတယ်။ ဒါပေမယ့် အိမ်တိုင်းမှာ စစ်သားမရှိဘူး အဲဒီတော့ သမိုင်းကြောင်းအရ ခင်ဗျားတို့က ရှုံးနေပြီးသားပဲ”.
ကျမအမြင်တော့ သူအသက်နဲ့ ရင်းပြီးပြောသွားတဲ့ 
စကားတွေကလေးဆန်တာမဟုတ်ဘူး၊
အမှန်တရားတွေ၊ နိုင်ငံရေးလုပ်တယ်ဆိုတာသဘောတရားနဲ့ လက်တွေ့ ပေါင်းစပ်လုပ်ရတယ်ဆိုတာ
နိုင်ငံရေးလုပ်သူတိုင်းသိထားကြတယ်နော်၊ တချို့ ကသဘောတရားတော့ သိတယ်လက်တွေ့ ပိုင်း
အားနဲတယ်၊ ဒီရဲဘော်မှာတော့ ရှင်းလင်းတဲ့ သဘောတရားအမြင်လဲရှိတယ်၊ လက်တွေ့ လဲသူ့ ရဲ့ ရဲဘော်တွေကိုဘယ်လောက်ချစ်တယ်ဆိုတာ့ ပြသွားခဲ့ တယ်နော်၊
ရဲဘော်ဇော်လွင်လိုပုဂ္ဂိုလ်မျိုးကျမတို့ ဗမာပြည်မှာအလွန်ကိုလိုအပ်ပါတယ်၊ ကျွန်ှပ်တို့ အားလုံးယုံကြည်ပါတယ်၊သင်ဟာကောင်းရာသုကတိဘုံမှာရောက်နေပြီလို့ ….
Tribute to Ko Zaw Lwin whose brave sacrifice will always be admired, and we need to do something to pay tribute to these ordinary heroes and heriones one day when we can have freedom to do so…..We need him not for this military army, but for our country’s defence. Great loss for Burma!!!!
View Full Note · ·ချစ်ဖေ စက်အောင်တို့ လေးယောက်ပါ။ထောက်လှမ်းရေးဇ
နားမား ကံကုန်းကြီးသင်းချိုင်းမှာအ
မနက်ကြတော့ကျွန်တော်နဲ့ ဝင်းသိန်း(ဝန်းသို)တို့ ကို
ဆရာအောင်မင်းမှသတ်မည်တကဲကဲလ
ဇော်လွင်ကမသတ်ဖို့ အကြိမ်ကြိမ်တားခဲ့လို့ ကျွန်တော်
အသက်ရှင်နေရပါတယ်။(၁၉၉၁ဒီဇင
အပတ်ထဲမှာဖြစ်ခဲ့တာပါခင်ဗျာ
လားလို့ ပါ။